जहाँ दोस्रोको मूल्य छ
वर्षौंदेखि निर्जन, सुनसान, पुरानो सडक
एक जोडी पैताला पर्खिरहेछ,
आफूमाथि टेकीमाग्नुको
पीडादायक सुखानुभूति कल्पिरहेछ.
रित्तो आकाशबाट बर्सिने पानीको प्रहारले
सडक कोत्रिएको छ, खण्डित छ;
अब जोडिदिने र कालो छाप्ने
मजदुरहरुको प्रतिक्षा मात्र छ.
त्यस कालो छापेको माथि,
जिउँदाहरुले टेकेर हिंडीदिउन् भन्ने आशा छ,
नवीकरण गरिएको त्यस सडकमा
चेखवका मफलरधारी मान्छेहरु
हिँड्न सक्ने छैनन्, उ विश्वस्त छ.
यसैले सडक पीडादायक सुखानुभूति कल्पिरहेछ
त्यहाँ त थुप्रै-थुप्रै उन्मुक्तिका
जिउँदा नाराहरु चिच्याउँदै,
भोलि जिउने मृत्यु अँगाल्दै,
भोलिका बचाईहरु हिँड्नेछन,
सुदुर यात्रामा जहाँ बाँच्नुको मूल्य छ.
जहाँ एकत्रित भीडमा दोस्रोको मूल्य छ.
टिप्पणी छोड्नुहोस्