केवल रहरमात्र

नसम्झ यहाँ खोलाको सुसेली गीत भनेर,

त्यो त प्रवाहको विरुद्ध ढुंगाको थप्पड जलकणलाई हो.

नसम्झ यो घर जहाँ तिमी छौ आफ्नो भनेर,

त्यो त तिम्रो विरुद्ध एक भ्रम र एक षडयन्त्र पो हो.

के खोलाको गीतमा जलकणहरुको मृत्यु छैन र?

घरको संस्कारमा पन्साई नसक्नु जाल माकुराको छैन र?

खोलाको गीत र सुसेलीमा-

प्रवाह र विरोधको युद्ध त हेरिदेउ,

घरको बचाईमा संस्कारले बेह्रेको-

असंस्कृत मान्छेलाई त सम्झाईदेउ.

घरको नियम दलदलमा भासिएको ए मान्छे,

नसम्झ तिमी बाँचेको अरुलाई थाहा छ भनेर.

त्यो त अरुको जीवन बोध भयो होला तिमीलाई.

तिमीलाई थाहा छ के?

आजकल यहाँ मायाहरु ‘शोकेश’-मा सजाएर राखिन्छन्,

काँचहरुमा बन्द गरेर सुरक्षाका भ्रममा पालिन्छन्.

नरमाउनु तिमी यहाँ,

तिम्रा मायाहरु काँचभित्र पो छन्…

सानो भुइँचालो अर्थात् ठूलो हल्ला-

सहन सक्दैन पातलो काँच,

आफूलाई छरपस्टयाउँछ त्यो अनि…

वाष्पीभूत बन्छन् तिमीले दिएका मायाहरु.

यसैले नसम्झ मान्छे यहाँ तिम्रो कोही छ भनेर,

त्यो त नहुनुको यथार्थमा तिम्रो डरमात्र हो.

त्यसैले त तिम्रो प्रितमसँग नाँच्ने इच्छाहरु-

केवल, केवल अनि केवल,

रहरमात्रै हो.

खोलाको सुसेलीमा एक प्रयोगमात्रै हो.

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

%d bloggers like this: