सत्य

-दीप्स शाह, इज्रायल

लामा सपना पछीको यथार्थ जस्तै
ब्युँझेर छाम्दा नभिटिने
अनिस्चित धागोमा जीवन उनेर
मान्छे हिँड्दै रहन्छ
गन्तब्य कहाँ छ?!
यहाँ त रहस्यको पत्रैपत्र खुल्दै गर्छ
त्यहीँ पुरातन् यहीँ नविन
एउटा बिन्दुको अन्त्य अर्कोको थालनी!
केही बिलाउनुनै केहीको प्रादूर्भाव हो

जगत बिलय बिलयनको सिलसिला हो\

निरन्तरताको सिलसिलामा
अलिक भिन्नै लाग्ने
नौलोपनको आभास दिने
मौलिक जस्तै
तर,,
ठ्य्याक्कै होइन!
उही र उस्तै भोग्दै भोग्दै
खुशी र कौतूहलताको पहाड चढ्नु
बिबिधताको अनन्त श्रेणी हो

जीवन कौतुकी यात्राको निरन्तरता हो\

गुढ् सत्यको मूल बाटो खोज्न
मान्छे भौँतारिरहन्छ
एकपछी अर्को गल्तिमा मुस्कुराउँदै
यतैकतै छेउछाउका झ्याङ्गप्वालमा पसेर
रुपातन्तरित् अभ्यस्ततामा बिलाउँछ
संसारलाई बुझ्ने
बुद्द बन्दै,,बुद्द खोज्दै
रबरको टुक्रा जस्तै जिन्दगी तन्किनु
सम्पूर्ण समबेदनाको ऊहापोह हो

सृष्टी अस्थिर क्रमणिका हरुको अनन्त त्यान्द्रो हो\

भोलीका कल्पना र तिनैका बलमा
आजको पाइला उचाल्दै
मान्छे,
दर्शनका पिरामिडहरु चढ्दै र झर्दै रहन्छ
सबथोक बिलाउँछ
सबथोक देखिन्छ
हराउनु र देखिनुको अन्योलतामा
चेतनाको सुइरोले हृदयको आँखा खोलेपछी
सत्य भन्नु समयको हठ् मात्र हो\

वास्तबिकता भन्नु परिवर्तनको सिलसिला हो ।।।

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out / बदल्नुहोस )

Twitter picture

You are commenting using your Twitter account. Log Out / बदल्नुहोस )

Facebook photo

You are commenting using your Facebook account. Log Out / बदल्नुहोस )

Google+ photo

You are commenting using your Google+ account. Log Out / बदल्नुहोस )

%d bloggers like this: